МАКЕДОНСКИ ЈАЗИК ЗА ПРВО ОДДЕЛЕНИЕ

шифра 36 – „Топер“, автори: Елеонора Стрезовска, професор по одделенска настава; Јадрана Симитковска, професор по македонски јазик; Татјана Нечевска, дипломиран педагог и Александра Митровска, професор по предучилишно воспитание

РЕЦЕНЗИОНА КОМИСИЈА: проф. д-р Снежана Адамчевска, Душанка Панкова, Надица Марковска
„Во ракописот се понудени одредени решенија кои можат да ја задоволат сознајната љубопитност кај децата (елементи на анализа и самоевалуација чии илустративни решенија треба да се корегираат со цел мотивација на помалку успешните ученици). Илустративните компоненти задоволуваат.
Воочлива е пренатрупаност со илустрации со сложен амбиент тежок за анализа од страна на децата.
Неопходно е сериозно преиспитување на застапеноста на обемните текстови кои не можат да бидат разбрани од возрасната структура на корисници.
Составен дел на ракописот е и ЦД кое содржи оперативно изведени компоненти и апликации на активностите во учебникот. Овие компоненти можат да ја нагласт самостојната работа на децата во рамките на домашните обврски во форма на дидактички следбеник.
Заклучно согледување:
Понудениот ракопис делумно ги задоволува основните концепциски решенија и стандарди на учебник чии корисници се деца од прво одделение во деветгодишното основно образование.
Доколку се направи корекција на пренатрупаните илустрации и обемните текстови учебникот може да ги задоволи основните критериуми и стандарди за користење.“

КОМИСИЈА, БИРО ЗА РАЗВОЈ НА ОБРАЗОВАНИЕТО: Ајше Ајрулаи, Мито Стефановски, Блага Панева, Илија Лешковски, Јакуп Илјаз
„Ракописот со шифра 36 е работен според наставната програма за македонски јазик за прво одделение. Наставните подрачја, содржините и поимите планирани за обработка во програмата се обработени на ниво на детската возраст, со примена на активни методи преку кои учениците ги анализираат понудените илустрации опфатени со ракописот и донесуваат заклучоци и градат ставови. Во учебникот е добро искомбинирана работата меѓу учениците и со наставникот. Илустрациите се проблемски и на задоволително ниво. Преку нив учениците ги добиваат сите потребни информации за обработка на соодветните поими.
Составен дел на учебникот е и ЦД кои содржи практични работни вежби самостојна работа на учениците во корелација со подрачјата од наставната програма.“