За Табернакул
Табернакул е првата приватна издавачка куќа во Р. Македонија, основана
1989 година. Нејзина главна ориентација е објавување на дела од областа
на филозофијата, теологијата, како и од историјата на нашата култура
и уметност.
Од 1998 година Табернакул започнува со издавање учебници за основно,
а потоа и за средно образование.
Во 2002 година започнато е изработувањето на библиотеката „Темелници“
со цел да ги обедини под еден знак најдобрите и најзначајните дела во
македонското творештво.
Во 2005 година Табернакул ја започна едицијата „Планета на духот“ во
која е предвидено да се опфатат најважните наслови од сите светски култури
и од сите раздобја на развојот на човековиот дух.
Во 2006 година се објавени првите наслови од Четврт библиотека
Табернакул со јогурт, едиција во која се предвидени 25 наслови
од современиот светски роман.
Табернакул има и своја книжарница која се наоѓа во центарот на Скопје.
Изборот на книги се движи меѓу 10.000 и 15.000 наслови.
|